| dr.nawwaf's profile҉ਿ°●φ¸¸.»» N e F o ««.¸¸...PhotosBlogLists |  Tools  Help |
|
January 12 هلوسااااااات مــريض Baaaaaaaaaaack
من زماااااااااان ماكتبت بلوووووووق وكنت ناوي أكتب بلوق بعد الإختبارات بس أحس مشوااار
 على شان كذا قررت أكتب بلوق خفيف أعبر فيه عن حالتي النفسية السيئه  أنا من يوم ماعرفت نفسي وأنا صغير مقتنع أني كائن حي منحوووس وحالتي حاله بس يوم دخلت هالكلية أقتنعت قناعه تامه بها الشي
قبل الإجازه ضاع دفتر التقييم حقي " الدفتر اللي يقيموني فيه الدكاترة على الأسنان اللي أسويها "
وبما أنه ضاع المفروض أخذ صفر
يعني بين قوسين " جبت العيد " وجلست شايل همه طول الإجازه وجلست أفكر وش أسوي اخر شي قررت أني أشتري دفتر جديد وأواجه دكتورنا وأقوله السالفه كلها عاد يبي يقيمني أهلا وسهلا مايبي بسلامته <<<< مشكلة القوة الزايدة
ومع بداية الدراسه رحت للدكتور يوم الأثنين وقلتله السالفه وعلى طول ماقصر قالي مافيش حل خلاص زيرو قلت أفا ياذا العلم
قلتله يادكتور درجتي بالشهري لحالها تجيب الهم تبي تعطيني زيادة زيرو ماصارت ياخوي <<< امحق اسلوب لكن في النهاية أقتنع <<< الا وانت الصادق رحم حالتك
وقالي روح جيب اسنانك كامله على شان أقيمك من جديد رحت طيران جبت العدة كاااااااامله ورحت على شان أقيم من جديد ولما رحت المعمل على شان أخذ الفك حقي وأركبه بالاسنان على شان أقيم مالقيت الفك <<< مو قايلكم منحووووس وأدور يمين يسار فوق تحت اخر شي الحمد لله حصلته ورحت أقيم وانتهت معاناة الدفتر المشؤوم .
ويوم الثلاثاء طلعت مع خوياي وتعشينا وبعدها قلتلهم ياشباب مشتهي اكل ايسكريم
<<<< ايس كريم بها البرد الله يصلحك بس مسوي ذكي وبستغل الفرصة أحسب الايس كريم بالشتاء يصير أرخص
وثاني يوم ولله الحمد وانا مرررريض وحالتي حاله <<<< تحمدو ربكم بس ماعندكم زي حظه
المهم رحت المستشفى قالي الدكتور المصري " بص حضرتك أنتا عندك التهاب في الحلق وزكام وحرارة " <<< يعني ثلاثه في واحد اللهم لا حسد
قلتله طيب والحل قالي لازم نديك ابرة قلت طيب وين بتعطوني اياها ناظرني نظرة شريرة وابتسم قلت اها بس أقول وخر ولايكثر مابي ابرة هونت خلاص قالي يابني عشان مصلحتك عشان تبقى كويس قلت وخر مابي أصير كويس أهم شي الشرف <<<< فاهم الابرة غلط
وبعد نقاش طويل فقد الأمل مني و قالي خلاص بكتب لك على كم دواء خذهم وان شاء الله تطيب قلتله موافق اذا على ادوية ماعندي مشكلة
المهم هذي بعض الصوور المحششه ان شاء الله تعجبكم
 مسكين هالضب احسه يعاني متصل على حقوق الحيوان
  أبو هنووود مسوي يحتك بالمهنه مسوي طبيب أسنان هو ووجهه  أكووووس خيـــاط بالحته كووولها واللوحة تشهد  أمووووووووووت على الثقافه أنا
هذي فيه بوادر دفارة مبكرة الله يصلحه بس ويرجعه لعقله قولو امين <<< فاهم الدفارة غلط  اللي يحب ترى بينهبل زي أخونا السنجاب  الحب عذاااااااااب يانورة ارفقي بحال الولد قبل لاينهبل علينا ووووووووووبس هذا كل اللي عندي وإن شاء الله بعد الإختبارات بنزل لكم بلوق صور كليتي العزيزة
كلية طب الأسنان بجامعة الملك سعود والإختبارات قربت الحين عشان كذا بودع النت لفتره من الزمن أحاول أرقع شوي من درجاتي اللي تجيب الهم
دعواااااتكم بالاختبارات والله يوفق الجميع
 C YA
Bye |
|
|
