| dr.nawwaf's profile҉ਿ°●φ¸¸.»» N e F o ««.¸¸...PhotosBlogLists |  Tools  Help |
|
November 25 ][][ مذكرات مخلبية .. الجزء الرابع ..][][الســلام عليكم ورحمة الله وبركاته أخباركم عساكم بخير اسف ع الإنقطاع المفاجيء .. ولكن لظروف خارجة عن ارادتنا << محد درى عنك الله يثيبك  هذي مذكراتي ..الجزء الرابع .. أتمنى أن تحوز على رضاكم  بسم الله نبدأ  ][][ المايكـ المفقود ][][ في يوم من الأيام .. مسكت معي استخدم المايك على شان اسمع اغاني وانا بالصالة << مو مسكت الا والله يالنصاب خايف لايجيه صحن طااااااااااير من الماما الله يحفظها المهم طلعت ادور عند اخواني مايك ... دخلت غرفتهم .. وطبعا اختي الملقوفه دايم عندهم تحارشهم << ياحبلها للمشاكل هالادمية  دخلت عند اخواني " ابراهيم واحمد " قلت: ابراهيم عندكم مايك ؟ قالي : لأ دخلت عرض اختي الغبية نوف وقالت : الا عندهم قلت: وينه طيب ؟ قالت : انكسر قلت : من اللي كسره طيب ؟ قالت : أنا قلت: طيب شلون كسرتيه ياغبيه ؟؟ قالت : كسرته على راس أحمد ناظرت احمد لقيت وجهه كذا  << رحممته المسكين اكبر منها ولايقدر يسويلها شي والا سوف يـُضرب من الوالد ضربا مبرحاطبعا ماسالتها ليش .. لاني ادري انها تتببلى عليهم وتستمع بضربهم  وطبعا اختي اللطيفة دائما تمارس هوايتها بتعذيب اخوواني الاثنين مرة من المرات .. صحيت من النوم لقيت البيت هااااااااااااادي ..استغربت قلت غريبة نوف ماتحارش احد .. دخلت المجلس لقيتها حاجرة ابراهيم واحمد بزاوية المجلس ومعها طفاية وتقول : ميييييييييين اللي اخذ الكتكات حقي من الثلاجة .. صدق صدق ارحم ابراهيم وواحمد بهذه اللحظات الشي الوحيد الجيد باختي الغبية .. انها دايم تناديني .. يادكتور نواف <<< تحسسني اني كائن حي مهم مو مثل خالتي الله يهديها كل ماجت البيت تقولي الحين هذي خشة دكتور << حسد حسد الله يكفينا شر الحسد  ][][ الله يديم الرخص ][][ مرة من المرات .. رحنا انا وصديقي سلطان نشتري سلك يوصل بين اللاب توب ووالتلفزيون .. رحنا محل ولقينا السلك بـ35 ريال .. شريناه ورجعنا بيت سلطان نجربه الصورة طلعت مشوشه ومو مرة واضحة .. عصب سلطان ووقال بروحله بكرة اوريه اللي مايتستحي رحنا ثاني يوم انا وسلطان وعبد الكريم وسلطان اخذ معه اللاب توب قبل لاننزل من السيارة سلطان قال : ياشباب اخاف ادخل باللاب توب ويجرب السلك ويطلع يشتغل بس يشوش يقولي لا مارجعه لك السلك كوويس .. وانا ابي اجرب النووعية الثانية من السلك على اللاب توب قبل لا اروح لمحل ثاني ..عبد الكريم اقترح اقتراح مخلبي قال عبد الكريم : طيب خلني انا ادخل باللاب توب على اساس اني شخص ماعرفك واجرب السلك الثاني .. وبكذا انت راح ترجع السلك حقك وانا راح اشتري السلك الثاني دخلنا انا وسلطان وبعد خمس دقايق عبد الكريم ومعه اللاب توب الجميل اول مادخل عبد الكريم الهندي قال سديق ممكن اخذ هذا لاب توب جرب سلك هذا <<يقصد سلك سلطان سلطان وجهه صار الوااااااااااااان .. ليش ؟ لان المليح حاط خلفية لاب توبه صورته يعني لوو الهندي فتح اللاب توب وشاف صورة سلطان راح يحس ان فيه ثلاثة اغبياء جايين يستهبلون عليه  وبيرمي السلك بووجيهنا سلطان نقز وقال لا لا مايحتاج خلاص بس بدل السلك بالنوع الثاني .. قال النووع الثاني بـ 220 ريال .. قال اوووووووووووف غالي لاخلاص مابيه .. ووافق الهندي ورجع السلك القديم بعد مارحنا المحل اللي جنبه لقينا سلك واشتغل معنا وبـ 10 ريالات فقط لاغير .. سلطان طلع مستانس وكان يردد جملته الشهيرة " الله يديم الرخص ياناااااااااس " وانا اناظره واتخيل وجه سلطان لو الهندي فتح اللاب توبوهكذا انتهى الموووووقف بسلام ][][ حسـام المـوسوس ][][ حسام .. من أعز أعز زملاء المرحلة الثانوية .. فرقتنا الدراسة الجامعية .. هو راح يدرس بأمريكا الله يوفقه ان شاء الله .. وانا جلست بجامعتنا الـ ... جميلة باجازة الصيف حقت ثالث ثانوي .. كان شغلنا الشاغل .. نقدم على الجامعة الفلانية والجامعة الفلانية ... ومن ضمن الجامعات قدمنا على جامعة الملك فهد للبتروول والمعادن مريت على حسام وسلطان ورحنا بسيارة وحده على شان نختبر اختبار القبول ملاحظة : حسام شخص موسوس جدا جدا جدا من ناحية الدراسة .. ويذاكر الى اخر لحظة .. ودايم استهبل على وسوسته وهو يعصب المهم .. وصلنا مقر الاختبار .. نزلنا وحنا نمشي حسام يدرس ويدرس ويدرس وويقرأ القوانين حقت الفيزياء وحالته حاله ناظرته قلت : حسام خلاص ارحم عمرك مابقى شي ع الاختبار ناظرني وقال: ياخي لعيووونك يلعن ابليس اللي يدرس ياشيييخ .. ورمى المذكرة بالارض !!!! << انا ووجهي صار علامات تعجب  مشينا ومشينا فجاه حسام صرخ قال ..لأ .. لأ !! نسيت قانون الاحتكاك .. ورجع ركض ياخذ المذكرة من الارض .. رجع لقى فيه اثنين طايحين يضحكوون عليه << مب حنا ترى  ناظرته وقلت " ياشين السرج على البقر  ][][ دجاج سـوني أريكسون ..!!! ][][ مرة من المرات .. بالتحديد ماذكر بالضبط بس أيام مانزل أول جوال فيه كاميرة الا وهو " سوني أريكسون "كنا نتغدى ببيت عمتي وكانو ع السفرة " عمتي + عمي + زوج عمتي .. وكم بزر وانا منهم المهم كانوا يسولفون عن شغلات مالي شغل فيها وانا ضاااااااايق صدري .. لساني يحكني ماحب اسكت << ياخي كل وانت ساكتلين ماسمعت عمي يقول بنص الكلام ..كاميرة !!! ... انا نقزت على طول وقلت ايه سوني أريكسون .. كلهم وقفو اكل وناظروني كذا قلت : ايه ايه عرفت وش قاعدين تسولفون عنه هذا سووني اريكسون  << استانست اخيرا تكلمتقال عمي : ياولدي ماخبر فيه دجاج اسمه سوني اريكسون !! قلت : ووش دجاجه ؟؟ قال : حنا جالسين نتكلم عن نوع دجاج نازل هالفترة ويقولون فيه بلى <<< لحد يسالني عن لون وووجهي تلك اللحظة سكت لبرهة من الزمن  بعدين قلت : اها .. لحظة صمت .. الكل كتم ضحكته عمتي رحمتني يوم شافت لون وجهي .. قالت : ايه تقولي وشو السوني اريكسوون قلت : هذا اول جووال نزل كاميرة قالت : ماشاء الله زين <<<<< ماتسلك لي ابد قمت قلت: الحمد لله شبعت .. مامداني وصلت للحمام " الله يكرمكم " الا واسمع كمية ضحك ... وانا صارت خشتي كذا << مسوي حساس صراحة كان موقف جدا جدا محرج بعد سنه وشوي كنت اتغدى مع زوج عمتي .. فجاه قالي .. ايه نواف وشخبار السوني اريكسون <<< قلت بعقلي انت للحين متذكر يالشرير ][][ ثالث سابع ][][ << من جديد فصل لايحتاج للتعريف بالجزء الثاني كتبت لكم بعض المواقف اللي حصلت بفصل ثالث سابع من المواقف والجرائم اللي سويناها بثاني ثانوي .. طبعا كنا نفس التشكيلة <<< حشا فريق كورةكان عندنا مدرس رياضيات قصير مرة .. المهم هالمدرس ياعيني ماقد شرح حصة كاملة ..لازم تصير فيه مداخلات طلاب فصلنا الجميل .. يا مساحة طايرة قلم سبورة طاير .. ومرات اذا كنا مفطرين وفينا حيل نرمي شنط <<< ارهااااااااااااب مرة من المرات دخل المدرس الفلة لقانا حاطين المساحة فوق السبورة .. يعني ماااااااافي امل يطولها لانه قصير  ... تأمل المنظر وحس انه مافي امل .. سمعنا نضحك وقال : يخرب بيتكون انتو شو !! والله مو بشر .. وتركنا وطلع  واذكر مرة غاب مدرس النحو حقنا لمدة اسبوعين وجابولنا مدرس ثاني بداله .. هالمسكين على نياته ماله باحد .. نص الفصل يلعب طائرة تحت بالملعب .. والباقي يتزحلقون بالاسياب ..وومافي الا اثنين جالسين يحلون تمارين معه مرة نزل لقانا نلعب طائرة قال شو هاي قلتله طائرة تعال العب معنا يا استاذ قال اعطيني لشوف خليني اجرب <<< خربناه وبــس وهكذا انتهى الجزء الرابع بسلام ملاحظة : اللي يزعل ولدي الياباني ويعلق عليه ترى بعضه >>>> فديت هالضحكة << احس من قووتها بيموت على يوم اتمنى ان تكون المدونة قد حازت على رضاكم  بإنتظار تعليقاتكم NeFo |
|
|
