| dr.nawwaf's profile҉ਿ°●φ¸¸.»» N e F o ««.¸¸...PhotosBlogLists |  Tools  Help |
|
December 27 // .. معــايدة المرضــى .. تقرير .. //بسم الله الرحمن الرحيم كل عام وانتم بخير .. بعد الزحمة .. طبعا هالعيد مو مثل أي عيد لسببين السبب الأول : احتفظ فيه لنفسي السبب الثاني : بسبب رحلة لأول مرة اروحلها ولا هي الاخيرة ان شاء الله .. الا وهي .. معايدة المرضى بالعيد . كانت الزيارات مقسمة لثلاث مستشفيات مختلفة بثلاث أيام .. بدأنا السبت وانتهينا الثلاثاء . صراحة كل زيارة كان فيه شي يميزها عن الثانية .. خصوصا الزيارة الثالثة .. وان شاء الله راح اكتب كل اللي اتذكره عن كل زيارة . بتكلم عن كل زيارة بالتفصيل الزيارة الاولى ..// مستشفى الملكـ خالد الجامعي ..//  ملاحظة : الزيارة كانت جدا غير منظمة على شان كذا التقرير بيصير حوسة شوي تحملو  كانت الزيارة الأولى ..يمكن هي اصنفها انها الزيارة الاسوأ لعدة اسباب .. يمكن اهم سببين خلى الزيارة كذا .. سوء التنظيم .. وان في طلاب كثيرين ماعرفهم فـ كان فيه نوع من الرسمية وكانت اغلب الجلسة تعارف . بالاضافة ان مارافقنا احد من مسؤولي المستشفى لغرف المرضى ورتب الوضع " سبحن الله اي شي متعلق بجامعة الملك سعود لازم يكون سيء  "المهم سلمنا على بعض وكل واحد عرف عن نفسه وبدينا نوزع انفسنا بقروبات على شان نبدأ الزيارة . طبعا كل واحد كان مطلوب منه : 1_ دلة قهوه " على شان نقهوي الدكاترة اللي يشتغلون بالمستشفى + المرضى + الممرضين والممرضات وباقي الموظفين " . 2_ مبلغ 130 ريال " على شان الهدايا للاطفال والعيديات للمرضى " . 3_ ارتداء الزي السعودي  << كان وده يلبس السكرب المهم دفعنا القطة وكل واحد كان له مهمة ..اللي معه الحلا واللي معه العيديات واللي معه القهوة . بدينا ندخل على غرف المرضى وعايدنا عليهم واغلب المرضى كانو مستانسين بالعيديات .. واذا لقينا دكتور ولا دكتورة او ممرضة نعايدهم ونسلم عليهم بالاضافة الى كوب من القهوة  .. وكله كوم والممرضات الفلبينيات كوم ثاني .. لما نعطيهم يناقزون من الفرح واللي تسجل اسمها على العيدية واللي تجي تقول طيب ابي وحدة لولدي  وحالة .عايدنا العدد اللي نقدر عليه من المرضى .. بس يمكن اللي كان ناقصنا بالزيارة هذي معايدة الاطفال .. والحمد لله هالشي صار بالزيارة الثانية " اللي راح اتكلم عنها بعد شوي " بدينا الساعة عشر ونص وانتهينا على صلاة الظهر .. واخذنا بالنهاية صورة جماعية وبعدها تفرقنا على وعدنا اليوم الثاني . الزيارة الثانية // مركـز الملكـ فهد الوطني للاورام ..// نبذة عن المركز : انشأ هذا المركز الدكتور ناصر الرشيد .. حفظه الله يعتبر مركز الملك فهد الوطني لأورام الاطفال ومركز الابحاث اول مركز طبي متخصص لعلاج مرضى سرطان الاطفال وتتجاوز نسبة علاج الحالات السرطانية لدى الاطفال بنجاح 70٪ من الحالات الواردة للمركز نبذة عن الدكتور ناصر الرشيد :  رجل تبرع بمبلغ 450 مليون ريال لـ إنشاء مركز الملك فهد الوطني لـ اورام الاطفال والتابع لمسشفى الملك فيصل التخصصي ولم يكتفِ بذلك فقط فقد تبرع ايضا بـ مبلغ (20 )مليون ريال سعودي لتجهيز سكن خاص يخدم مرافقين الاطفال المصابين بالسرطان ومتكفل بكامل لوازم السكن من أكل وغيره تبرع بمبلغ 12 مليون ريال سعودي لجمعة البر الخيريه بمحافظه الخرج // هذي نبذة بسيطة عن هذا الرجل الرائع .. الواحد يحس ان الديرة بخير لما يكون أمثال هذا الشخص فيها . طبعا مثل ماتعرفون المركز مخصص للاطفال .. على شان كذا كنا مجهزين هدايا للاطفال كانت عبارة عن " ألعاب " .. وكنا ماخذين قائمة باسماء المرضى بالمركز على شان تكون كل هدية مخصصة لكل شخص وكل هدية تكون مناسبة لعمر كل طفل بالمركز . هذي صورة للهدايا قبل لانبدأ بالتوزيع  توزعنا كل اثنين مع بعض .. كل اثنين ياخذون هدية ويدخلون على غرفة كل طفل ويعايدونه بالهدية . دخلت انا وزميلي للغرفة الاولى بالهدية .. كانت طفله عمرها 6 سنوات .. دخلت سلمت على ابوها وسلمت ع الطفلة واعطيتها الهدية .. وسولفنا مع ابوها شوي وطلعنا . صراحة طلعت كنت مستانس حيل من كلام الاب ودعواته لنا ..طلعنا واخذنا الهدية الثانية وعطيناها للطفل الثاني .. كان طفل عمره 9 سنوات .. سلمنا عليه وسلمنا على اهله وطلعنا ... وبعد كذا خلصنا القسم الاول ورحنا للقسم الثاني وبدينا نوزع الهدايا .. وبنفس الطريقة ... ثالث غرفة رحتها بالقسم الثاني كانت لطفل عمره 8 سنوات ..دخلت مالقيته .. حطيت الهدية وطلعت .. صراحة كان ضايق صدري . بعد ماطلعت ولا الطفل جا مع امه ودخل الغرفة .. وامه جلست برا تتكلم مع الدكتورة .. شوي طلع الولد ومعه الهدية مستانس يوريها امه .. صراحة حسيت بكمية وناسة وحسيت بشعور ...!! مدري شلون صعب اوصفه . بعد ماخلصنا الاقسام رحنا للعيادات اللي تحت وبدينا نوزع للمرضى اللي بالدور الارضي لين ماخلصنا وبعدها صرنا نوزع عشوائي للاطفال اللي داخلين المركز او طالعين منه .. لين خلصت الهدايا اللي معنا . بعد ماخلصنا اخذنا صورة جماعية .. وافترقنا تقريبا الساعة 12 وربع . الزيارة الثالثة ..// مستشفى الملك خالد التخصصي للعيون // ... يمكن هالزيارة تعتبر الافضل تنظيميا .. كانت منظمة بشكل رائع ويمكن اهم سبب خلى الزيارة كذا هو وجود الأستاذ عبدالله بن عبدالعزيز السلمان مدير المراسم والعلاقات العامة .. اللي كان له دور كبير بتنظيم الزيارة .. وكان يرافقنا خلال معايدتنا للمرضى . تجمعنا بالمستشفى الساعة عشر ... وعشر ونص اخذنا الاستاذ عبد الله بجولة للمرضى . طبعا كالعادة كل شخص له مهمة معينة .. أنا اخذت صحن الحلى وبدينا ندخل ع المرضى نقدم لهم قهوة + حلى .. ونعايدهم . احد المرضى كان طفل .. وكان معه ابوه مرافق له .. دخلنا سلمنا على ابوه وعايدنا عليه .. بعدها جيت سلمت ع الطفل وعايدت عليه وعطيته من الصحن ..قال : مابي ... قلت مايخالف خذ الدنيا عيد .. قال :طيب ... مد يده بالصحن بقدرة قادر صارت حفرة بنص الصحن ... ياحبيله اخذ نص الصحن .. عليه بالعافية يارب <<< يموووت على تصرفات البزران المخلبية .بعد كذا عايدنا كم مريض وحنا نعايد قابلنا احد المرضى كان طالع من غرفته ... قلناله كل عام وانت بخير ماتشوف شر .. ناظرنا باستغراب وقال : انتم سعوديين ؟؟ .. رديت عليه وقلت : ايه ..!!؟؟ قال : ياخي غريبة سعوديين يسوون شي كويس  كلنا ضحكنا من جملته قالها ببراءة قال : والله الواحد يفخر بكم وبامثالكم وكثر الله خيركم . شوي ساله الاستاذ عبد الله : قاله ياخوي انت من وين ؟؟ قال : انا من بلدة فرسان " بجازان " قال الاستاذ عبد الله : غريبة ياخوي اخبر اهل جيزان اجسامهم صغيرة انت ماشاء الله طويل وعريض قال : تصدق يالطيب اني اصغر طبعة بالعائلة ؟؟ حنا فقععععععععععنا ضحك ... ماشاء الله عليه صدره وسيع وخفيف دم بشكل .. عطيناه فنجان قهوة وحلى ونزلنا الدور اللي تحته .شوي وانا اقدم الحلويات وخويي يصب القهوة لزوار المرضى لقيت واحد يطق ظهري .. التفت ولا خوينا اللي من جازان جايب كوبين فاضيين ويقول : بالله عب واحد لي وواحد للمدام انا مت ضحك وقلت ياعم تامر امر وصب له خويي الكوبين وعطيناه حلى .. قبل لايمشي قال اسمح لي اهديك بيتين لعنترة وصك لي بيتين شعر ومشى من الصدف الجميلة بالزيارة هذي اني قابلت مدير مدرستي اللي كنت ادرس فيها .. هالمدير اروع مدير مر على تاريخ التربية النموذجية .. الله يذكره بالخير ويوفقه وين ماكان .. سلمت عليه وقعدت اسولف معه وقلتله ليش جايين هنا استانس على الفكرة وجلس يمدح ويذكرني بالجرائم اللي كنا نسويها " ثالث سابع " .. سلمت عليه وكملت الزيارة .بعد ماخلصنا من معايدة المرضى عايدنا الموظفين والدكاترة . وبعدها كالعادة اخذنا صورة جماعية ... شاركنا بالصورة الاستاذ عبدالله السلمان . خلصنا ع الساعة 12 كالعادة .. بعدها بعض الشباب كانو جايبين معهم من بيوتهم وجبات غدا .. على اساس نتغدا سوا بالمستشفى .. بس انا اعتذرت لاني كنت نعساااااااان ولا اشوف الدرب  الزيارة الاخيرة كانت منظمة كثير مثل ماقلت لكم قبل .. يعني كان معنا مسؤول من نفس المستشفى معنا + مصور خاص من نفس المستشفى ..وكانت كل تفاصيل الزيارة مصورة ومرتبة وهالشي يرجع لادارة المستشفى اللي تعاونت معنا لنجاح الزيارة . وهالشي خلى الجرايد تكتب عن هالزيارة ... وهذي بعض الصحف اللي كتبت عن الزيارة  طلاب وطالبات كلية الطب بجامعة الملك سعود يعايدون مرضى تخصصي العيون  كتب - فهد المالكي: قام مجموعة تمثل طلاب وطالبات كلية الطب بجامعة الملك سعود بزيارة للمرضى المنومين بمستشفى الملك خالد التخصصي للعيون بمناسبة عيد الأضحى المبارك، وخلال الجولة التي رافقهم فيها كل من الأستاذ عبدالله بن عبدالعزيز السلمان مدير المراسم والعلاقات العامة والإعلام، والأستاذ مصلح بن عجاج العنزي مسؤول العلاقات العامة والإعلام بالمستشفى، حيث شملت الجولة جميع أدوار التنويم والعيادات الخارجية والطوارئ، وخلال هذه الزيارة قدم الطلبة والطالبات القهوة والتمر وحلاوة العيد للمرضى وهنأوهم بعيد الأضحى المبارك، وقد أبدى المرضى سعادتهم بهذه الزيارة وهم يرفعون أكفهم بالدعاء لخادم الحرمين الشريفين الملك عبدالله بن عبدالعزيز ولسمو ولي عهده الأمين الأمير سلطان بن عبدالعزيز - حفظهم الله - لما وفرته لهم الدولة من عناية وخدمة طبية فائقة في هذا الصرح الطبي المتميز. وقد نوه الأستاذ السلمان بهذه اللفتة الكريمة من طلاب كلية الطب بجامعة الملك سعود تجاه المرضى وإلى أهمية التواصل بين كافة أفراد المجتمع وخاصة اخواننا الذين يرقدون على الأسرة البيضاء والذين هم غالباً بأمس الحاجة لاشعارهم ومشاركتهم بالمناسبات السعيدة وادخال البهجة والسرور عليهم. //  طلاب كلية الطب بجامعة الملك سعود يعايدون مرضى تخصصي العيون «الجزيرة»- الرياض قام مجموعة تمثل طلاب وطالبات كلية الطب بجامعة الملك سعود بزيارة للمرضى المنومين بمستشفى الملك خالد التخصصي للعيون حيث ألتقوا سعادة الدكتور أحمد بن محمد العبدالمنعم نائب المشرف العام على المستشفى والذي أثنى على هذه البادرة الطيبة لطلبة كلية الطب، وتمنى لهم التوفيق في حياتهم الدراسية، وخلال الجولة التي رافقهم فيها كل من الأستاذ عبد الله بن عبد العزيز السلمان مدير المراسم والعلاقات العامة والاعلام، والأستاذ فهد بن عبد العزيز المالكي مسؤول العلاقات العامة والاعلام بالمستشفى، حيث شملت الجولة جميع ادوار التنويم والعيادات الخارجية والطوارئ، وخلال هذه الزيارة قدم الطلبة والطالبات الهدايا وحلاوة العيد للمرضى والالعاب للاطفال، وأبدى المرضى سعادتهم بهذه الزيارة وهم يرفعون اكفهم بالدعاء لخادم الحرمين الشريفين الملك عبدالله بن عبدالعزيز ولسمو ولي عهده الأمين الأمير سلطان بن عبدالعزيز (حفظهم الله) لما وفرته لهم الدولة من عناية وخدمة طبية فائقة في هذا الصرح الطبي المتميز. نوه الأستاذ السلمان بهذه اللفتة الكريمة من طلاب كلية الطب بجامعة الملك سعود تجاه المرضى وإلى أهمية التواصل بين كافة أفراد المجتمع وخاصة إخواننا الذين يرقدون على الأسرة البيضاء والذين هم غالباً بامس الحاجة لإشعارهم ومشاركتهم بالمناسبات السعيدة وإدخال البهجة والسرورعليهم.  طلاب طب جامعة الملك سعود يعايدون مرضى العيون  المدينة - الرياض قام عدد من طلاب وطالبات كلية الطب بجامعة الملك سعود بزيارة للمرضى المنومين بمستشفى الملك خالد التخصصي للعيون بمناسبة عيد الأضحي المبارك، قدم الطلبة والطالبات القهوة والتمر وحلاوة العيد للمرضى وهنأوهم بعيد الأضحي المبارك، وأبدى المرضى سعادتهم بهذه الزيارة. ? الجولة رافقهم فيها كل من عبد الله بن عبد العزيز السلمان مدير المراسم والعلاقات العامة والاعلام، ومصلح بن عجاج العنزي مسؤول العلاقات العامة والاعلام بالمستشفى، وشملت جميع أدوار التنويم والعيادات الخارجية والطوارئ. ونوه السلمان بهذه اللفتة الكريمة من طلاب كلية الطب بجامعة الملك سعود تجاه المرضى وإلى أهمية التواصل بين كافة أفراد المجتمع وخاصة إخواننا الذين يرقدون على الأسرة البيضاء الذين هم بأمس الحاجة لإشعارهم ومشاركتهم بالمناسبات السعيدة وإدخال البهجة والسرور عليهم. //  طلاب و طالبات يعايدون مرضى مستشفى الملك خالد للعيون اليوم - الرياض  الطلاب يعايدون أحد المرضى قام مجموعة تمثل طلاب وطالبات كلية الطب بجامعة الملك سعود بزيارة للمرضى المنومين بمستشفى الملك خالد التخصصي للعيون بمناسبة عيد الأضحي المبارك ، و رافقهم مدير المراسم والعلاقات العامة والاعلام عبد الله بن عبد العزيز السلمان ، و مسؤول العلاقات العامة والاعلام بالمستشفى مصلح بن عجاج العنزي ، حيث شملت الجولة جميع ادوار التنويم والعيادات الخارجية والطوارئ ، وخلال الزيارة قدم الطلبة والطالبات القهوة والتمر وحلوى العيد للمرضى وقدموا لهم التهنئة بعيد الأضحي المبارك ، وقد أبدى المرضى سعادتهم بهذه الزيارة. // وفي صحف ثانية كتبت الخبر مثل الندوة وجريدة الوطن وهكذا أعزائي متابعي مدونتي المتواضعة .. انتهى تقرير زيارة المرضى بعيد الاضحى المبارك . يمكن التقرير ممل شوي .. بس حبيت اكتب هاللحظات لانها كانت من أروع الاشياء اللي سويتها بحياتي ... وحبيت أكتب هاللحظات بعالمي الخاص . اتمنى اني اكون كتبت اغلب تفاصيل الرحلة .. واعتذر عن الإطالة وكل عام وأنتم بخير //  |
|
|
