| dr.nawwaf's profile҉ਿ°●φ¸¸.»» N e F o ««.¸¸...PhotosBlogLists |  Tools  Help |
|
February 18 رحــلة الكــويت صبـاح الخـــير أخبــااااااركم عساكم بخير ؟؟؟؟
سوووري تأخرت بكتابة البلوق
 ........ كنت مسافر ولارجعت للرياض الا يوم الجمعه  يعني قبل الدراسه بيوم واحد طبعا هالاجازه يمكن أكثر اجازة حللتها .. أول ماخلصنا يوم الثلاثاء رجعت البيت وجهزت شنطتي واشتريت كم شغله على شان السفر وعلى فجر الاربعاء تحركنا متجهين الى دولة الكويت الشقيقه
وصراحة السفرة كانت خياااااال مو على شان الكويت بس قمة الوناسة لما الواحد يسافر مع خوياه خصوصا لاكانو مثل خوياي " شـلة حسب الله "
 أو على قولة دكتورنا الله يذكره بالخير " حسب الله كومباني كنا مطلعين عينه هالمسكين بس يالله ان شاء الله مأجور علينا كنا خمس كائنات
أنا وإبراهيم وفهد وعبد الله وعبد الرحمن وبسم الله نبــدأ تفاصيل الرحلة
 تجمعنا عند بيت فهد وضبطنا الشنط وحطيناها بالسياره وركبنا وانطلقنا بعون الله
متجهين الى الكويتطبعا الدختور نواف لازم لازم يمارس هوايته ( التصوير ) على قولة خوياي يقولي يانواف انت لو تشوف هندي طاح بالشارع صورته
تصور أي شي .. ناس ماتقدر المواهب طبعا الجو ع الفجر دايما يكون رايق على شان كذا على طوووول طلعت جوالي وبديت أصور
صورت كم صورة وحنا بالطريق وهذي بعض الصور   وحنا بالطريق جلسنا نسولف وضحك واستهبال << بينما برهوم الدجاجه منسدح بالمرتبه اللي ورى ونايم جلسنا نسولف ونتكلم عن الإختبارات وعن الأعياد اللي جبناها بالإختبارات
 <<< شر البلية مايضحك شوي قالي فهد نواف دق على أي احد من الشباب أسأله نزلت الدرجات ولا لا يمكن نزلوها اليوم الصبح قلت طيب
واتصلت على واحد من الشباب( مسفر زميلي بالكلية ) قلت صباح الخير شخبارك قال بخير قلت ها بشر نزلت الدرجات قالي لا مانزل شي .. وفي هذه اللحظه خطرت في بالي فكرة شريرة جدا
.. قلت ياولد ألعب بأعصابهم شوي قلت أفا الدرجات زفت انا قلت كذا وخوياي اللي بالسياره كلهم صارت اشكالهم كذا
 .. قالو نواف وش صار كم درجاتنا قلت اصبرو شوي خلني اكلم الولد واعرف وش السالفه <<< شرير قلت ها بشر كم أخذ برهوم قال نواف اقولك مانزل شي وش فيكـ قلت أفا برهوم اخذ ثلاثه من 15
قالي اهاااااا توني افهم جالس تلعب عليهم ياشرير قلت أفا وعبد الرحمن أخذ ثلاث ونص مو معقول ليش كذا عبد الرحمن سمعت درجته وصار شكله كذا  جا فهد قال نواف اساله كم درجتي بلييييز قلتله ابشر ولايهمك مسفر كم درجة فهد (طبعا مسفر ميت ضحك ع التلفون قلت اها فهد جاب خمسه << طبعا فهد عطيته اعلى درجة بينهم لانه هو اللي يسوق مالها داعي اقوله اخذت اثنين ونص ينهبل ويدخلنا بأقرب عامود كهرب >> يعني مو لله قلت طيب مسفر وانا قالي مسفر انت يانواف اكبر شرير على وجه التاريخ حرام عليك لاتضحك عليهم خلهم يستانسون بالسفرة
قلت ماشاء الله انا اخذت سته ونص زين زين هذا وانا ماذاكرت جبت كذا "<< العيال سمعو درجتي منا وناظروني كذا .. بعد كذا قلت يعطيكـ العافيه مسفر واسفين ع الازعاج وسكرت الحط بعد ماسكرت الخط اناظر اشاكلهم قسم بالله رحمتهم كل واحد صارت الوانهم صفراء قسم بالله الكافر يرحمهم
<< وطبعا هذا كله بسببيأنا
 بعد خمس دقايق بديت أحس بتأنيب الضمير
 <<< بدري المهم جاني تأنيب وخلاص قلت ياشباب ترى الدرجات مانزلت كنت امزح معكم قلت اغيرالجو شوي واخلي فيه اكشن وليتني ماقلت لهم طقوووني لين قالو بس حتى فهد ماقصر وهو يسوق طقني بعد كذا جلسنا ناكل ونسولف ونخطط وش نسوي بالكويت ونحدد الاسواق اللي راح نروح لها وحنا نتكلم نقز الكابتن عبد الرحمن وقال ياشبااااااااااااااااب انا ابي اكل بمطعم اسمه شرمبي
هو قالها منا وكلنا جلسنا نناظره كذا قلناله وشو شرمبي هذا من اسمه يخوف قال هذا مطعم شفت دعايته بقناة فنون واعجبني بعد كذا وصلنا حدود دولة الكويت العربية الشقيقه
 خلصنا من التفتيش والجوازات والزحمه هذي وكملنا طريقنا داخل الكويت وطبعا كل واحد منا نعساااااان وحالته حاله .. ماعدا ابراهيم الدجاجه لانه نايم طول الطريق
 بعد كذا وصلنا الفندق وحطينا اغراضنا وهذي غرفتنا أنا وبرهوم
 بعد كذا طلعنا نتمشى بالسياره ونزلنا للمارينا مول واكلنا فيه وجلسنا نتمشى لين ماجا وقت عرض الفلم ورحنا حضرناه طبعا اول فلم حضرناه كان أحلى فلم شفناه بالسفرة كلها كان اسمه BLOOD DIAMOND
   الفلم طووويل شوي بس حلووو وقصته حلوه
طلعنا من الفلم تقريبا الساعه 2 ونص ورجعنا الفندق
طبعا انا رجعت على طووول اخذت لاب توبي وشبكت النت <<<< مدمن نت بعيد عنكم
 على طول شبكت النت وجلست ثلاث ساعات لين بديت ادوخ بعدها رحت ونمتقمنا ثاني يوم لبسنا وطلعنا نتغدى اقترح علينا فهد مطعم هندي قلنا يالله هندي هندي ورانا شي
طبعا فهد من عشاق دولة الكويت على شان كذا كان حافظ الاماكن والشوارع وهالشي ساعدنا كثير رحنا المطعم وتغدينا صراحة كان مطعم ختشيييير جدا جدا
ديكوره غريب والاحلى اكله كان روووعه والاروع من هذا كله ابو الشباب اللي بالصورة هذي قلتله ممكن اصورك قال نوبربلم وهز براسه مستانس قلت بعقلي ياحبي لك مسكين ماتدري ان عندي سبيس والله لا اخلي العالم العربي كله يشوف شنبك ياشرير
بعد كذا رحنا السوق وقطعنا تذاكر فلم ويل سميث الجديد
The.Pursuit.Of.Happynes
 الفلم بالنسبة لي كان يجيب الهم مابلعته خير شر ولما ناظرت على خوياي لقيتهم نايمين كلهم
ماعدا عبد الرحمن متحمس مع الفلم وجالس يتابع وبشدة بعد ماخلص الفلم طلعنا ورجعنا البيت وكملنا السهرة هناك
طبعا بما اننا من الشباب السعودي المكافح مانقدر نروح اي مكان بدون البلاي ستيشن جلسنا نلعب كورة لييين الفجر نامو وانا رحت اكمل سهرتي ع النتقمنا من النوم تقريبا على الظهر وطلعنا نتغدى .. فهد اقترح علينا قال وش رايكم اوديكم مطعم ايراني ختشيييير قلنا يالله ايراني ايراني
ماعندنا مشكلة المطعم اكله كان لذيذ صح اسماء الاكل تخوف بس احلى شي الواحد يطلب على النية واهم شي النية تكون صافيه على شان الطلب يكون حلو
بعد كذا كالعاده طلعنا للسوق وتمشينا فيه وقبل كل شي قطعنا تذاكر الفلم
و
وكل ماشافو محل مكتوب عليه تخفيضات نقزو عليه جلسنا تقريبا اربع ساعات ندور بها المحلات لين زهقت وكل ماقولهم خلصونا يقولون لي بس هالمحل ونخلص .. تصريفات أمي لاوديتها السوق وبالنهاية فكونا وخلصو shopping وبها اليوم مسكت مع الشباببعد كذا طلعنا نتمشى بالكويت شوي لين مايجي وقت الفلم صراحة شوارعهم حلوه وتفتح النفس ابد زي الرياض ماتفرق شي
الله يخلف علينا بسبعد كذا رجعنا وشفنا الفلم وكان اخر فلم نشوفه واسم الفلم Babel 
فكرة الفلم حلوه بس كان لحسه شوي لان الاحداث كانت مابين المغرب واليابان وامريكا بس كان المخرج مبدع ربط الاحداث بطريقة حلوه
بعد كذا طلـعنا من الفلم وطلعنا من السوق .. وجلسنا ندور بشوارع الكويت ندور " شرمبي " المطعم اللي ازعجنا فيه عبد الرحمن
قال فهد بما انه اخر يوم خلنا نسوي كل شي نبيه اي احد يبي اي مكان يقول ياشباب وبعد جهد جهيييد اخيرا لقينا المطعم
 الحمد لله كان المطعم حلو انا طلبت وجبة اسمها شرمبينو
والحمد لله كانت وجبة ختشيرة وتعشينا وطلعنا من المطعم بدون اصابات ولله الحمد بعد كذا نواف شاف لوحة محل وانهبل
كانت لوحة باسكن روبنز بالشعار الجديد الصورة مو واضحه لان فهد الله يصلحه كان مسرع
 رحنا باسكن وطلبنا ايس كريم انا طلبت ايس كريم تشيز كيك فراوله مع كراميل
ونااااااااسة <<< تراني من عشاق باسكن روبنز على شان كذا لاشفتوني متحمس لاتشرهون عليبعدها رجعنا البيت وجلسنا نسولف ونحشش ليييييين اذان الفجر وبعدها نمنا
قمنا على الساعه 11 وجهزنا اغراضنا استعدادا للعودة الى الديار
 وهذي بعض الصور اللي صورتها بالثلاث ايام
   رجعنا الرياض السبت الساعه عشر ونص بالليل وبكذا انتهت رحلتنا طبعا ابن بطووطة << اللي هو انا كانت رحلتي لجده يوم الاحد الظهر على شان كذا رجعنا ونمت وقمت الصباح رتبت شنطتي من جديد وانطلقت الى جده
ووووووووووبس هذا كل اللي عندي
داري طولت عليكم بس عادي أمون
إن شاء الله يكون البلوق اعجبكم وبإنتظار تعليقاتكم
C ya Bye |
|
|
